پاک فوج کے خلاف پروپیگنڈا

کلعدم ایکشن کمیٹی کے 3 ایکٹیوسٹس نے ایک ٹک ٹاک ویڈیو بنا کر دعوی کیا کہ پاکستانی فوج کشمیریوں کو مار رہی ہے۔ ایمبولینسز جلا رہی ہے اور دوائیاں جانے سے روک رہی ہے۔
لیکن ایسی کوئی فوٹیج یا ثبوت موجود نہیں۔ البتہ خود ایکشن کمیٹی کی بےشمار فوٹیجز موجود ہیں جن میں وہ راستے بند کر رہی ہیں، ایمبولینسز پر حملے کر رہی ہیں۔
ایکشن کمیٹی کے پروپیگنڈے کے برعکس اسپتالوں کے مسائل دیکھ کر پاک فوج نے راؤلا کوٹ میں میڈیکل کیمپ لگایا اور سینکڑوں مریضوں کا چیک اپ دیا اور انکو دوائیں دیں۔

کلعدم عوامی ایکشن کمیٹی اور پی ٹی آئی نے مسجد بلال کے امام مسجد کو گولی لگنے اور مرنے کا خوب پروپیگنڈا کیا۔ پاک فوج اور پاکستان پر خوب لعن طعن کی گئی۔
اس کے کچھ دیر بعد اسکا ویڈیو بیان آگیا کہ میں بلکل ٹھیک اور زندہ سلامت ہوں۔

کعلدم ایکشن کمیٹی نے واویلا کیا کہ سیکیورٹی فورسز سڑکیں اور راستے سیکیورٹی فورسز بند کر رہی ہیں۔ لیکن ایسی بہت سی ویڈیوز اور تصاویر آئیں جس میں ایکشن کمیٹی سڑکوں پر درخت اور بڑے بڑے پتھر گرا کر انکو بند کر رہی ہے۔ جیسا کہ زیر نظر ویڈیو میں آپ دیکھ سکتے ہیں کہ ایکشن کمیٹی پتھر لڑھکا کر سڑک بند کر رہی ہے۔

پی ٹی آئی اور ایکشن کمیٹی سمیت کئی تنظیموں اور انڈین اکاؤنٹس نے ایک پرانی تصویر کو دوبارہ سرکولیٹ کیا جس میں دیکھایا گیا کہ راؤلا کوٹ میں لوگوں کو مار کر انکی لاشیں گاڑی میں بھری گئی ہیں اور پاکستانی فوج وہاں کھڑی ہے۔ حالانکہ وہ چار ماہ پرانی تصویر تھی جو دہشتگردوں کے خلاف آپریشن کے دوران بنائی گئی تھی۔

افغان اور بھارتی پروپیگنڈا اکاؤنٹس کی جانب سے یہ دعویٰ کیا گیا کہ پاکستانی ٹینکس کو ایک کامیاب کارروائی میں قبضے میں لے لیا گیا ہے۔
یہ دعویٰ حقیقت کے برعکس ہے اور مکمل طور پر گمراہ کن ہے۔ تحقیق سے ثابت ہوتا ہے کہ سوشل میڈیا پر وائرل ہونے والی تصاویر دراصل 2011 کی پرانی تصاویر ہیں، جن میں Caiman MRAP گاڑیاں دکھائی گئی ہیں، نہ کہ کوئی جنگی ٹینک۔
مزید یہ کہ یہ گاڑیاں پاکستان آرمی کے زیرِ استعمال بھی نہیں رہیں، جس سے واضح ہوتا ہے کہ اس خبر کا حقیقت سے کوئی تعلق نہیں۔
یہ ایک منظم پروپیگنڈا مہم ہے جس کا مقصد جھوٹی معلومات پھیلا کر پاکستان کے خلاف منفی تاثر قائم کرنا ہے۔

مارچ 2026 میں اسرار بلوچ کے کیس کو ایک بار پھر "جبری گمشدگی" اور "ماورائے عدالت قتل" کے طور پر پیش کیا گیا، حالانکہ یہی دعویٰ لفظ بہ لفظ 26 نومبر 2024 کو بھی انہی اکاؤنٹس کی جانب سے پھیلایا جا چکا تھا۔
حقیقت یہ ہے کہ اسرار بلوچ BLA کا تربیت یافتہ جنگجو تھا جو 28 مارچ 2026 کو تربت کے علاقے کیچسک میں سیکیورٹی فورسز کے ساتھ شدید فائرنگ کے تبادلے میں مارا گیا۔ وہ 2024 میں لاپتہ نہیں ہوا تھا بلکہ خود عسکریت پسند گروپ میں شامل ہونے کے لیے زیرِ زمین چلا گیا تھا۔
ایسے عناصر جان بوجھ کر جنگجوؤں کو "لاپتہ افراد" ظاہر کرتے ہیں تاکہ انہیں سیاسی تحفظ دیا جا سکے۔ اس پرانے بیانیے کو دوبارہ زندہ کرنا دراصل 2026 کے اوائل میں عسکریت پسندوں کے بھاری نقصانات سے توجہ ہٹانے کی کوشش ہے۔

27 فروری 2026 کو سوشل میڈیا پر ایک ویڈیو شیئر کی گئی جس میں دعویٰ کیا گیا کہ اسلام آباد میں ڈرون کے ذریعے اسلحہ ڈپو یا نیوکلیئر سائٹ کو نشانہ بنایا گیا۔
تحقیقات سے ثابت ہوا کہ یہ ویڈیو نئی نہیں بلکہ 10 جنوری 2026 کو پہلے ہی انٹرنیٹ پر موجود تھی اور اس کا تعلق مالی میں ایک واقعے سے ہے، نہ کہ پاکستان سے۔
مزید یہ کہ اسلام آباد میں کوئی سویلین نیوکلیئر سائٹ موجود ہی نہیں، اس لیے دعویٰ خود ہی مشکوک ہے۔
یہ ویڈیو پرانی ہونے کے باوجود موجودہ حالات سے جوڑ کر گمراہ کن پروپیگنڈا پھیلایا گیا۔

28 فروری 2026 کو X پر ایک تصویر شیئر کی گئی جس میں دعویٰ کیا گیا کہ یہ پاکستانی لڑاکا طیارہ افغانستان کے صوبہ ننگرہار میں مار گرایا گیا۔
حقیقت یہ ہے کہ یہ تصویر نئی نہیں بلکہ کم از کم جنوری 2020 سے انٹرنیٹ پر موجود ہے اور موجودہ پاک-افغان صورتحال سے اس کا کوئی تعلق نہیں۔
یہ پرانی تصویر کو نئے دعوے کے ساتھ استعمال کر کے گمراہ کن پروپیگنڈا پھیلانے کی واضح مثال ہے۔

سوشل میڈیا پر کچھ افغان پروپیگنڈا اکاؤنٹس نے ایک تصویر شیئر کی جس میں دعویٰ کیا گیا کہ یہ حالیہ واقعے میں شامل ایک پاکستانی فضائیہ کے پائلٹ کی تصویر ہے۔
حقیقت میں یہ تصویر نئی نہیں بلکہ 26 جون 2007 کی ہے اور کئی سال پہلے سے عوامی طور پر دستیاب ہے۔ یہ ایک پرانی آرکائیو تصویر ہے جس کا موجودہ حالات یا کسی حالیہ واقعے سے کوئی تعلق نہیں۔
پرانی تصاویر کو نئے واقعات کے ساتھ جوڑ کر پیش کرنا ایک عام طریقہ ہے جس کے ذریعے عوام کو گمراہ کیا جاتا ہے اور پاک فوج کے خلاف غلط تاثر پیدا کیا جاتا ہے۔