پی ٹی آئی کی پرتشدد سیاست

پی ٹی آئی نے عمران خان کی گرفتاری پر 9 مئی 2023ء کو ملک کے 36 شہروں میں 200 مقامات پر مختلف فوجی اور سرکاری تنصیبات اور املاک پر حملے کیے۔
ان پرتشدد مظاہرین نے فوجی تنصیبات کو نشانہ بنایا۔ لاہور میں کور کمانڈر ہاؤس (جناح ہاؤس)، راولپنڈی میں جی ایچ کیو کے داخلی دروازے، اور دیگر شہروں میں فوج سے متعلق عمارتوں کو نقصان پہنچایا گیا۔ سرکاری بیانات اور میڈیا رپورٹس کے مطابق بعض مقامات پر عمارتوں میں توڑ پھوڑ کی گئی، سامان جلایا گیا، اور حساس علاقوں میں داخل ہونے کی کوشش کی گئی۔ پاکستان کی تاریخ میں اس کو غیر معمولی قرار دیا گیا۔
حکومت نے ان واقعات کو قومی سلامتی کے خلاف قرار دیتے ہوئے سخت کارروائی کا اعلان کیا۔ سی سی ٹی وی فوٹیج اور دیگر شواہد کی مدد سے متعدد افراد کو گرفتار کیا گیا اور ان پر انسدادِ دہشت گردی سمیت مختلف دفعات کے تحت مقدمات درج کیے گئے۔
9 مئی کے واقعات پاکستان کی حالیہ سیاسی تاریخ کے اہم ترین تنازعات میں شمار ہوتے ہیں، جن کے بعد بڑے پیمانے پر تحقیقات، مقدمات، اور سیاسی بحث جاری رہی

معروف پی ٹی آئی ایکٹیوسٹ سارا میر نے ایک ویڈیو شیئر کی جس میں ایک اوورسیز بیٹھا ایک آدمی کہہ رہا ہے کہ اب وقت آ گیا ہے، ہاتھوں میں بندوقیں اٹھاؤ اور عمران خان کے کے تمام مخالفین کے گھروں کو غیر محفوظ کردو۔ یعنی ان پر حملے کرو۔ چاہے وہ کوئی جرنل ہو، کوئی صحافی ہو یا کوئی سیاستدان۔

عمران خان کی بینائی کو لے کر پی ٹی ائی نے کے پی کی کئی سڑکیں بند کیں اور لوگوں کو اذیت میں مبتلا کیا۔ اس میں کئی مریضوں کی اموات بھی ہوئیں۔ اسی میں ایک ویڈیو وائرل ہوئی جس میں چکدرہ میں ایک پختون شخص اپنی بوڑھی ماں کو پیدل لے جاتے ہوئے کہہ رہا ہے کہ یہ بیمار ہے، اس کا کیا قصور جو میں اسے ہسپتال نہیں لے کر جا سکتا؟ اس پر وہاں موجود پی ٹی آئی کارکنوں 'اس کو مارو' کی آوازیں لگائیں اور انکو ہراساں کیا۔