پاک فوج کے خلاف پروپیگنڈا

سوشل میڈیا پر ایک ویڈیو تیزی سے گردش کر رہی تھی جس میں دعویٰ کیا گیا کہ یہ پاکستان اور افغانستان کی تازہ سرحدی جھڑپوں کے دوران کی بمباری کا منظر ہے۔
Soch Fact Check کی جانچ سے واضح ہوا کہ یہ ویڈیو حالیہ جھڑپوں کی نہیں تھی بلکہ کسی پرانے واقعے کی تھی جس کا موجودہ صورتِ حال سے کوئی تعلق نہیں ہے۔ ویڈیو میں منظر، آواز اور پسِ منظر کے عناصر اس موجودہ واقعے کی نشاندہی نہیں کرتے، اور ریورس سرچ نے بھی اس کا پرانا ماخذ دکھایا۔
یہ واقعہ یہ ظاہر کرتا ہے کہ غیر مصدقہ کلپس کو نئے واقعات کے ساتھ جوڑ کر غلط بیانی پھیلائی جاتی ہے، اور بغیر تصدیق کے ایسے مناظر پر یقین کرنا گمراہ کن ہو سکتا ہے۔

سوشل میڈیا پر ایک تصویر وائرل ہوئی جس میں دعویٰ کیا گیا کہ پاکستانی فوجی بلوچ خواتین اور بچوں کو بندوق کے زور پر قابو میں رکھے ہوئے ہیں۔
Soch Fact Check
کی جانچ سے معلوم ہوا کہ یہ تصویر حقیقت پر مبنی نہیں، بلکہ ترمیم شدہ یا مصنوعی طریقے سے تیار کی گئی تھی۔ اصل تصویر 2006 میں عراق جنگ کے دوران ایک امریکی فوجی کی تھی، اور پاکستانی فوج سے اس کا کوئی تعلق نہیں۔
یہ واضح مثال ہے کہ گمراہ کن تصویری مواد عوام میں غلط تاثر پھیلانے کے لیے استعمال کیا جاتا ہے۔

سوشل میڈیا پر ایک ویڈیو اس دعوے کے ساتھ وائرل ہوئی کہ فوجی اہلکاروں نے ایک مذہبی مقام میں داخل ہو کر بے حرمتی کی۔ یہ دعویٰ عوامی جذبات کو بھڑکانے کے لیے تیزی سے پھیلایا گیا۔
تحقیقات کے مطابق یہ ویڈیو حقیقت پر مبنی نہیں تھی بلکہ مصنوعی طریقے سے تیار کی گئی تھی۔ متعلقہ ذرائع نے واضح کیا کہ ایسا کوئی واقعہ پیش نہیں آیا اور ویڈیو کا مقصد صرف غلط تاثر پیدا کرنا تھا۔
یہ مثال ظاہر کرتی ہے کہ حساس مذہبی معاملات کو بھی پروپیگنڈا کے لیے استعمال کیا جا سکتا ہے۔

سوشل میڈیا پر کچھ ویڈیوز وائرل ہوئیں جن میں دکھایا گیا کہ پاکستانی فوجی افسران اپنی قیادت کے خلاف بات کر رہے ہیں اور اندرونی بغاوت جاری ہے۔
تحقیقات سے معلوم ہوا کہ یہ ویڈیوز مکمل طور پر مصنوعی ذہانت (AI) سے بنائی گئی تھیں۔ Soch Fact Check کے مطابق ان ویڈیوز میں آواز، چہرے اور حرکات سب مصنوعی تھیں اور ان کا حقیقت سے کوئی تعلق نہیں تھا۔
یہ واقعہ اس بات کی واضح مثال ہے کہ AI ٹیکنالوجی کو استعمال کر کے جعلی “اندرونی معلومات” پیدا کی جا رہی ہیں۔

26 مارچ 2026 کو اکاؤنٹ "THE UNKNOWN MAN" (@Theunk5555
) نے ایک ویڈیو شیئر کی جس میں دعویٰ کیا گیا کہ 201 خالد بن ولید کور نے افغان فورسز کے ذریعے کنر کے ضلع سرکانو میں پاکستانی فوجی پوسٹ تباہ کر دی۔ ویڈیو میں دھواں اٹھتی عمارت دکھائی گئی اور یہ کہا گیا کہ یہ پوسٹ "رد الظلم" آپریشن کے دوران افغان فورسز نے تباہ کی۔ اس پروپیگنڈے کا مقصد پاکستان آرمی اور سرحدی سیکورٹی کو بدنام کرنا تھا۔اصل حقائق یہ ہیں کہ یہ دعویٰ مکمل طور پر جھوٹا ہے۔ پاکستانی سرحدی پوسٹیں باڑ اور واضح نشانات کے ساتھ ہوتی ہیں، جبکہ اس ویڈیو میں کوئی باڑ یا پاکستانی نشان نظر نہیں آتا۔ جیو لوکیشن کے مطابق یہ ایک پرانا اور متروک ٹی ٹی اے (تحریک طالبان افغانستان) کا ڈھانچہ ہے جس کی اب کوئی فوجی اہمیت نہیں رہی۔ افغان پروپیگنڈا اکاؤنٹس اسے پاکستان آرمی کے خلاف استعمال کر رہے ہیں۔

مارچ 2026 میں سوشل میڈیا پر ایک پرانی ویڈیو گردش میں لائی گئی جس میں دعویٰ کیا گیا کہ خیبر کے جمرود ضلع میں دہشت گردوں نے لیزر گائیڈڈ ہتھیار سے فرنٹیئر کور کے پوسٹ پر حملہ کیا۔ ویڈیو کو "حملے کی فوٹیج" کا لیبل دے کر شیئر کیا گیا تاکہ پاکستان کی فوجی طاقت اور علاقائی سیکورٹی پر شکوک پیدا کیے جا سکیں۔
اصل حقائق: یہ ویڈیو 2019 میں امریکہ کے پینٹاگون نے ابوبکر البغدادی کے کمپاؤنڈ (شام) پر کیے گئے چھاپے کی فوٹیج کے طور پر جاری کی تھی۔ ویڈیو میں امریکی فورسز کی کارروائی دکھائی گئی تھی۔ جمرود علاقہ مکمل طور پر محفوظ ہے اور اس علاقے میں کوئی ایسا حملہ نہیں ہوا۔ یہ ویڈیو جعلی بیانیہ پھیلانے کے لیے ری سائیکل کی جا رہی ہے۔

مارچ 2026 میں سوشل میڈیا پر ایک پرانی ویڈیو گردش میں لائی گئی جس میں دعویٰ کیا گیا کہ پاکستانی فوجی قبائلی علاقوں میں نابالغ پشتون بچوں کو لائن میں کھڑا کر کے قریب سے گولی مار رہے ہیں۔ پوسٹ میں ویڈیو کو "disturbing" قرار دیا گیا اور لوگوں کو غصہ دلانے کی کوشش کی گئی۔
اصل حقائق: یہ ویڈیو 2010 میں سوات میں دہشت گردی کے خلاف آپریشن کے دوران پاکستان آرمی کو بدنام کرنے کے لیے سٹیجڈ کی گئی تھی۔ پاکستان آرمی کے ترجمان میجر جنرل اطہر عباس نے اسے اسی وقت جعلی قرار دیا تھا۔ بعد میں بھی ویڈیو کے سچ ہونے کا کوئی ثبوت نہیں ملا۔ ویڈیو میں دکھایا گیا منظر حقیقی نہیں بلکہ پروپیگنڈا تھا جو آج بھی فوج مخالف عناصر دوبارہ استعمال کر رہے ہیں

فروری 2025 میں فیلڈ مارشل عاصم منیر کے دورہ برطانیہ کے دوران سوشل میڈیا پر ایک ویڈیو وائرل ہوئی جس میں ایک بڑے ہجوم کو پاکستان تحریک انصاف کے جھنڈے اٹھائے مارچ کرتے ہوئے دکھایا گیا۔ اس ویڈیو کے ساتھ یہ دعویٰ کیا گیا کہ یہ لندن میں آرمی چیف کے خلاف ہونے والا احتجاج ہے اور بیرون ملک پاکستانی ان کے دورے کے خلاف مظاہرہ کر رہے ہیں۔
تاہم تحقیقات سے یہ دعویٰ غلط ثابت ہوا۔ AFP Fact Check کے مطابق یہ ویڈیو دراصل لندن کی نہیں بلکہ Brescia میں نومبر 2024 میں ہونے والے ایک احتجاج کی تھی، جہاں پی ٹی آئی کے حامیوں نے عمران خان کی حمایت میں مظاہرہ کیا تھا۔
یہی ویڈیو پہلے ہی نومبر 2024 میں سوشل میڈیا پر اپلوڈ ہو چکی تھی، یعنی اس کا فروری 2025 کے واقعے سے کوئی تعلق نہیں تھا۔ اس کے علاوہ Google Street View کے ذریعے ویڈیو میں موجود مقام کی نشاندہی بھی اٹلی کے شہر بریشیا سے ہوئی، جس سے اس دعوے کی مزید تردید ہو گئی۔

افغان میڈیا کو دیے گئے ایک انٹرویو میں خود کو ’’کیپٹن عمران علی‘‘ کہنے والے شخص نے دعویٰ کیا کہ وہ پاک فوج میں کمپنی کمانڈر تھا اور 26 نومبر 2024 کو اسے عوام پر براہِ راست فائرنگ کا حکم دیا گیا، جسے اس نے ماننے سے انکار کر دیا۔ اس کے مطابق اسی انکار پر اسے گرفتار کر کے غداری کے مقدمات میں نامزد کیا گیا۔ تاہم دستیاب پولیس ریکارڈ اور زمینی حقائق اس دعوے کی نفی کرتے ہیں۔ شانگلہ پولیس کے مطابق عمران علی کو 16 ستمبر 2024 کو جعلی فوجی شناخت، نوسربازی اور غیر قانونی اسلحہ رکھنے کے الزام میں گرفتار کیا گیا تھا۔ تلاشی کے دوران جعلی آرمی کارڈ، وردی میں تصاویر، متعدد سمز، بینک چیکس اور اسلحہ برآمد ہوا۔ مقامی افراد کے مطابق وہ ماضی میں بھی خود کو فوجی افسر ظاہر کر کے لوگوں کو دھوکہ دیتا رہا ہے۔ ضمانت کے بعد وہ غیر قانونی طور پر انگلینڈ جا کر خود کو سیاسی مظلوم ظاہر کر رہا ہے۔